روايه كامله للكاتبه اسراء هاني شاكر 4

علي : مش كفاية كدة ولا ايه
هناء بخجل: هو انت ..
علي : ايوة انا صعب عليا وكان حيق.طع شر.يانه قولتله خلاص حخليك تشوفها
رحمة: انا بحبك اوي اوي
هناء بابتسامه: متشكرة اوي يا علي ربنا يسعدك
علي : انتي اختي .. بكرة نبقى سلايف يا زين
زين بضحك : سلايف ههههه اسمها عدايل
علي : ايوة صح عدايل هو ليه بسمونا عدايل
زين : عشان بنتعادل بالخا.زوق
نظر الاثنتين لهم بعينين واسعة
علي بخوف : هو اللي قال انا ما قولتش هو طايل اساسا
زين :

احم على رأيك ده انا حموت نفسي واخد الخا.زوق ده قصدي انا اسكت احسن
ضحك الجميع عليهم ولاحظت رحمة اشراقة وجه اختها بعد ان رأته
خرج زين ودار بسيارته لا يعرف ماذا يفعل حتى وجد نفسه امام مسجد دخل وتوضأ .. لم يكن قاطعا للصلاة نهائيا لكنه غير منتظم
بدأ يصلي وهو يدعو الله من صميم قلبه ان يريح قلبه .. ليس خطأ ان نصلي وقت نحتاج الله فربنا لا يريد مقابل منا ..
لاحظه شيخ وهو يصلي ويبكي اقترب منه وهمس : ازيك يا ابني
مسح زين دموعه وهمس :

الحمد الله يا شيخنا
احمد : انا الشيخ أحمد تسمعلي اقعد معاك
زين : اكيد تفضل
احمد: انا شوفتك قبل كدة وشك مش غريب
زين بابتسامه: ايوة انا ممثل
احمد : هو انا ما بشوفش تلفزيون بس صورك في الشارع احيانا
هز زين راسه بتفهم ليكمل الشيخ : احكيلي يمكن ااقدر اساعدك
بدا زين يروي له ما حدث
احمد: والدها عندو حق تزعلش مني لو مكانه حارفض انت نفسك لو عندك بنت مش حتجوزها لممثل مش كدة
اخفض زين رأسه ثم همس : طيب اعمل ايه
احمد :

اخبارك انت والصلاة ايه
زين بخجل : مش منتظم
احمد : مش حقولك وقف تمثيل بس صلي بانتظام حتلاقي الراحة كلها بقلبك .. ” فمن اعرض عن ذكري فان له معيشة ضنكا ” سبب تعبك وخنقتك البعد عن ربنا ..

ربنا اعطانا حلول لكل حاجة قالنا نمشيلوا خطوة حيمشلنا ميل بس احنا الدنيا واخدانا جرب صلي قيام الليل وادعي اي حاجة حيستجيب صدقني زي ما قال ” ادعوني استجب لكم ” واول ما تتنتظم بالصلاة حتلاقي نفسك بتبعد عن كل حاجة بتغضبه ” ان الصلاة تنهى عن الفحشاء والمنكر ”
شعر زين بالراحة الشديدة عندما تحدث مع الشيخ وقرر فعلا ان ينتظم في صلاته ويقترب من ربه ليس فقط من أجل هناء ومن أجل نفسه لانه يريد ان يشعر بالراحة
&&&
نفين: واخدني فين بس
عمر: استني خليكي مغمضة عيونك
نفين:

ماشي
فتحت عينيها لتتفاجأ بغرفة أجمل ما يكون على جدرانها صورها منذ أن كانت طفلة ..
تنظر حولها غير مصدقة ما ترى
نفين بدموع : ايه ده
عمر :ده اغلى مكان عقلبي اما كنت اتخنق من الدنيا اجي هنا
نفين : للدرجة دي
عمر : واكتر .. بصي هنا صورتك وانتي عندك ٥ سنين انتي عارفة بابا جابلي كاميرا اما طلعت الاول وكنت احوش مصروفي واطبعهم .. وهنا وانتي عندك ٧ وانتي بتسبحي وهنا لما خلصتي الابتدائية
كانت تستمع له غير مصدقة انه يحبها لهذا الحد يتذكر تفاصيل كل صورة
نفين:

والبيت ده .. مجهز زي ما كنت عايزة
عمر : ايوة كنت اخد رايك عاساس انه اما اخطب بس هو كان مستنيكي .. عارفة اصعب يوم في حياتي ودخلت المستشفى اسبوع يوم ما عرفت انك تجوزتي وانا مسافر انا القلب عندي كان حيوقف بس بعدها حاجة جوايا قالتلي حتبقى ليك وبقيت عايش على امل انك تبقي مراتي
كان يتكلم ودموعه تهبط وهي تبكي لأجله بشدة
ضمته لحضنها حتى تتأسف له عما سببت له من عذاب
عمر: كنت بحلم في اليوم اللي تبقي في مراتي حتى لو حموت بعدها
نفين :

انا اسفة يا عمر والله ما كنت اعرف
ظل يتأملها قليلا ثم نظر لشفت.يها التي طالما تمنى ان يتذوق شهدهم ..
اقتنص شفت.تيها بقب.لة ارق ما يكون لكنها لم تبادله القب.لة من شدة خجلها لأنها لم تستوعب بعد انه زوجها من اعتبرته دائما اخ ..
نظر لها وهمس وهو ينهج بشدة : عارف صعب عليكي بس ما قدرتش انا اسف
نفين بابتسامه: انت تعمل اللي انت عايزه ويلا نختار فستاني بسرعة …
دخلت رحمة البيت بلهفة وكان والدها وهناء ونفين وقالت وهي تنهج افتحوا التلفزيون بسرعة ..
مصطفى: خودي نفسك في ايه
رحمة:

شغلوا وحتعرفوا
#يتبع بارت ٢٣
اسراء هاني شويخ

خرج والدها من المسجد ليسمع صوت خلفه يناديه وكان زين يرتدي حذائه باستعجال ..
زين بلهفة : عمي مصطفى لحظة
مصطفى بضيق جعله يضحك: يا ابني انت حتخليني اصلي في البيت وما أقربش الجامع تاني
مشى بيده على شعره وقال برجاء : ما هو مش عارف اعمل ايه
مصطفى: بس في تطور بقينا بدال ما نستنى برة بقينا بنصلي
زين : انا مش قاطع الصلاة انا كنت مقصر بس ربنا يهدينا
مصطفى : انت ما بتروحش البيت انا بشوفك الخمس صلوات عالباب
زين : للاسف في بس خمس صلوات مش اكتر.. ياريتهم مية انا مش حستسلم على فكرة
مصطفى: يا ابني انت زي عمر ابني.. شوفلك بنت من توبك تقدر تخرجها بحفلاتكوا بلبس زي ما انت عايز
زين : مين قالك عايزها تغير من نفسها .. انا حبيتها زي ما هيا والله بحبها وححطها بعينيا وحخليها اسعد وحدة في الدنيا بس وافق
حرك مصطفى رأسه بيأس وهمس بحنان : وانا بقولك ريحك نفسك انا مش حجاذف في بنتي .. ان شاء الله تلاقي احسن منها ..
ذهب مصطفى وترك زين ينظر له بألم لا يعرف ماذا يفعل رن هاتفه ..
زين بعصبية : في ايه مية اتصال في دقيقة
المساعد اسامة : المنتج عايز يعرف ردك عالفيلم الجديد
زين : مش موافق
اسامة : ده تالت فيلم ترفضه بدون ما تقراه حتى
زين بتعب : هيا عندي اهم من اي حاجة
اغلق هاتفه وذهب بيته يغير ملابسه ويفكر ماذا يفعل
خالد والده : انت شرفت ما كنت نام عندهم ترجاهم كمان
ناهد : ما تقساش عليه يا خالد عشان خاطري
زين بتعب : عايز ارتاح شويا نتكلم بعدين
خالد : ايوة فاضل لصلاة العصر ساعتين يدوب تنام فيهم عشان تلحق تبوس ايد والدها
زين بألم : وابوس رجله كمان .. بابا انت اكتر واحد عارفني كرامتي عندي اهم حاجة وببعد عن اي حاجة فيها اهانتي بس مش قادر ابعد انا تمنيت اني معرفتهاش بس مش قادر اكمل كأنها ما كانتش بعدها بيخنق فيا حياتي وقفت.. بابا انت مجرب الحب وعارف انت كنت بتفضل تحكيلي للفجر عن قصة حبك لماما اللي ما حسيتش للحظة انه قل .. انا عايز ده الوحيدة اللي حسيت فعلا اني عايز اكمل معاها حياتي هيا هناء
ناهد بحزن : خليني اروح اتكلم معاه
زين بنفي وهو ينام على قدميها : حقنعه لو حخطفها حتجوزها انا داخل انتحا.ري
ناهد ” ربنا يسعد قلبك..
في المساء دخلت رحمة البيت وهي تنهج بشدة
رحمة : افتحوا التلفزيون بسرعة
مصطفى : خودي نفس الاول في ايه
امسكت رحمة الريموت وشغلت التلفاز وكان الجميع في الصالة .. برنامج منى الشاذلي
منى: معانا النهاردة شاب طموح قدر بفترة قصيرة يبقى من اهم الفنانين في البلد .. سواء بصوته الجميل او في موهبته في التمثيل هو في طبيعته ما بيظهرش في برامج تفاجأت فيه بكلمني عايز يطلع ضيف معايا النهاردة عشان حيتكلم عن موضوع مهم .. معانا ومعاكم المهندس زين الشريف
نظر الجميع لهناء التي لم تتمالك دموعها وهبطت بشدة احتضنتها من كتفها نفين ..
مصطفى: اقفلي الزفت ده
رحمة: والنبي يا بابا خلينا نشوف حيقول ايه .
دخل زين الاستوديو بطلة ولا اروع جعلت الكثير من الفتيات تصفق بجنون
كان يمسك المايك ويغني: طمني عليك .. قول فين الاقيك مشتاق لعينيك وبموت من شوقي ليك وازاي انا اعيش لو مش وياك مش قادر انساك

كان صوته هذه المرة نابع من قلبه جعلت دمعة تهبط من عينيه رغما عنه .. جعل معظم من يسمعه يبكي عليه
منى : ازيك يا زين ما صدقتش لما كلمتني
زين بابتسامه ” لا طبعا انا اكيد يشرفني اطلع معاكي بس انا ماليش في البرامج اوي
منى ” ليه حسيت الأغنية النهادرة لحد معين .. صوتك مختلف تماما احساسك وصلنا كلنا ودمعة عينيك
زين بضحكة : بصراحة هو ده الموضوع اللي جيت عشانه
منى: اممم يعني في موضوع.. طيب في الأول قولنا عن بدايتك
زين :

هو انا كان حلمي التمثيل بس بدأت في الغناء كان في صديق لوالدي شافني وسمع صوتي بالاول خلاني اغني كام اغنية بعدين خلاني امثل لانه شكلي ساعد وكدة واهو بقيت زين الشريف بس بابا اصر عليا اكمل تعليم فدخلت هندسة
منى : وكنت من النوع اللي مجتهد وكدة
زين بابتسامه وهو يتذكر اول مرة رآها : انا كنت احيانا بصور للفجر فمقدرش اروح الجامعه وفي يوم روحت .. وشوفتها كانت ملاك بصورة بشر ..

مش أجمل وحدة شوفتها لكن اول وحدة احس اني عايز افضل باصص ليها
كانت هناء تستمع له بقلب ينبض بسرعة ودموعها لم تتوقف والجميع ينظر لها … ووالدها يبدو عليه الضيق الشديد
اكمل زين : الراحة اللي حسيتها وانا بتكلم معاه ما حسيتهاش قبل كدة ما كنتش اعرف انه قلب دق ليها من ساعة ما شوفتها ومرة بعد مرة بقت هيا كل حياتي حياتي اقتصرت عليها … بقيت أمنية حياتي تبقى مراتي
منى باستغراب: طيب تقدم ليها اكيد والدها ما حيصدق
زين بضحك : ليه ..

على ايه على البنات اللي حواليا ولا افلامي المحترمة
منى : اممم طيب يعني تقدمت
زين: ورفض وصراحة انا مقتنع بكل اسبابه ولو قادر ابعد حابعد لاني بتمنالها احسن حد بس مش قادر انا بحبها اوووووي
منى : ربنا يسعدك وحتعمل ايه .. انت قولتلي انك محتاج برنامجي عشان تعلن عن حاجة مهمة يا ترى خطوبتك ولا فيلم جديد ولا ايه..
زين وهو ينظر للمعجبين حوله : انا في البداية متأسف اوي بس انا عايز أستغل برنامجك عشان اعلن عن اعتزالي التمثيل والغناء ..
&&&
واخيرا اكتمل تجهيز الشقة .. نظر لها وهمس:

فاضل اهم حاجة
رحمة : ايه هيا
علي : انتي.. كل اللي تحط ده كلام فارغ … بكرة تيجي جوهرتي تنورها ..
رحمة بابتسامه : منورة بيك يا روحي.. بس الفستان غالي جدا ده بسعر شقة ..
علي : مش عجبك خلاص
رحمة: عجبني تشتري بالمبلغ ده
علي : ولو بكل ما املك دي ليلة بالعمر يا رحمة مش حتتجوزي كل يوم .. انا لسة فاضلي ٣ بس انتي هيا مرة
رحمة وهي ترفع حاجبها وعينيها تقدح شرار : فاضلك ايه
علي بخوف : احم انا قولت ايه
رحمة: الفاتحة
علي:

على روح مين يا قلبي انا بهزر ..
امسكت برقبته وقالت من بين اسنانها: حبعتك الآخرة تهزر هناك
علي وهو يتنفس بصعوبة: اسف اسف هو اللي يشوفك يشوف غيرك يا قلبي
ضمها لصد.ره وهمس : فاضل بكرة هانت
رحمة : ربنا يقدرني واسعدك
علي وهو ينظر داخل عينيها بغرام: طول ما انتي معايا تأكدي اني اسعد واحد في الدنيا كلها
اقتنص شفت.تيها بحنان ثم همس: يلا نمشي انا على اخري
ضحكت عليه ثم اوصلها البيت وفي الصباح كان على الباب
علي :

يلا عشان الكوافيرة مستنية امال فين خواتك
رحمة ” عمر حيوصلهم
علي : الساعة ٧ حكون عندك بلاش مكياج تقيل اساسا وحياة ربنا قمر بدون اي حاجة
رحمة : انت اللي عينيك حلوة يا علي عشان كدة بتشوف كل حاجة حلوة
قب.ل جبينها واوصلها وذهب يجهز نفسه ..
نفين : عمر ما تعصبنيش بقالي من امبارح بتحايل عليك
عمر بهدوء: الكلام تقفل ما فيش مكياج
نفين : وجايبني الكوافير ليه ..
عمر: عشان تكوني جنب رحمة ممكن تعملي جلسات للبشره مع انك فت.نة بدون اي حاجة
نفين برجاء :

عمر حعمله خفيف
نظر لعينيها قليلا ثم همس : ولا حتى كحلة عشان الفرح يعدي على خير وما اقت.لش اللي يبصلك
نفين بغيظ : انا اساسا بكرهك اوي
عمر : وانا بعشقك اوي .. يلا بسرعة عايز الحق لسة ورانا حاجات كتيرة اوي
كان الجميع يجهز وعلي اصبح في كامل اناقته اتصل بها الساعة ٤ بلهفة
رحمة : وحشتني
علي : ما قولتليش باريس ولا لندن ولا في ببالك مكان تاني
رحمة : اي مكان المهم معاك حيبقى جنة
علي : بحبك اووي اوي يا رحمة